Tum kehte ho ki tum kehte ho

Tum kehte ho ki tum kehte ho,
Bas mai sunti nhi...
Raaz ki baat batau...
Sunti to hu, bas itlaa karti nhi...
Man hi mann muskura leti hu,
Tasleem karti nhi...
Dil laalchi h mera, jaanti hu.. bas maanti nhi...


Wo tumhari nazarein mujh pr tik jana,
Sunai deti h tareef usme...
Wo baat kehte kehte yuhi aankho me doob jana
Guma karta h mujhe...
Sunti to hu, bas itlaa karti nhi...
Man hi mann muskura leti hu,
Tasleem karti nhi...
Dil laalchi h mera, jaanti hu bas maanti nhi...


Dekhte h sab tumhe meri or dekhte hue
Pr unhe nhi sunai deti humari baatein
Logo ki fikr kr jb nazare hata dete ho mujhse
Tb bhi sunai deti h tumhare dil ki aahatein...
Sunti to hu, bas itlaa karti nhi...
Man hi mann muskura leti hu,
Tasleem karti nhi...
Dil laalchi h mera, jaanti hu bas maanti nhi...


Meri bachkani harkato pr tumhare hoto k kone ki hasi sunai deti h mujhe
Aankho me tumhari, meri natkhat chhavi dikhayi deti h mujhe
Wo muskaan bht kuch keh jati h mujhse
Sunti to mai sab hu, bas itlaa karti nhi
Man hi mann muskura leti hu,
Tasleem karti nhi...
Dil laalchi h mera, jaanti hu bas maanti nhi....


Tumhare naraaz hone ka andaaz khoob jaanti hu
Nazar chura kr jo na kehna chahte ho, khood sunti hu...
Jaanti hu darte ho tum ki kahi mai tumhari nazaro me gussa na dekh lu
Mujhse chhupate ho?
Jaante nhi rishta aisa h humara
ki apne aansu tumhari aankho se nikaal du....

Lafz nhi chahti hu, alfaaz mai jaanti hu
Tum sab nazaro se keh dete ho,
Ye Baat mai maanti hu...
Dil laalchi hai mera,
nazaro k alfaaz sunn kr bhi lafz dhundta h
Nazaro se megha barasne par bhi,
ise intzaar alfaas ki boond ka h...

Tum kehte ho ki tum kehte ho
Par mai sunti nhi....
Fikr na karo, sunti to hu bas itlaa karti nhi
Man hi mann muskura leti hu,
Tasleem karti nhi...
Dil laalchi h mera, jaanti hu.. bas maanti nhi....